Sipërmarrësi Bujar Zhuri, ishte i ftuar këtë të enjte në Goodmorning Albanians, ku ka aluduar mbi arsyet që mund të ketë shtyrë Naim Murselin në vrasjen e bashkëshortes.
Zhuri e lidhi veprimin e kryer nga Murseli me të kaluarën e tij.
Sipërmarrësi tha se e ka njohur Murselin në Suedi 12 vjet më parë. Ai nënvizoi se veprimet dhe sjellja e tij mund të jenë dhe si pasojë e traumave që ka përjetuar në fëmijëri.
“Duke qenë se unë kam punuar si mësues në shkollë, në Norvegji, një nga problemet më të mëdha të fëmijëve, sidomos të fëijëve emigant, si rasti i Kosovës që vijnë nga fronti i luftës, prindërit mbartin me vete trauma të mëdha të luftës, që i përcjellin tek fëmijët e tyre. Kështu fëmijët rriten me këto trauma të brendshme.”- tha ai.
Sipas Zhurit, këto trauma nuk shfaqen në momentet e para, por me kalimin e viteve, ato reflektohen në raportet që këta persona krijojnë me të tjerët në të ardhmen. Në vazhdim të kësaj, ai i qëndroi mendimit se këto tipologji të traumave që ai ka kaluar nga prindërit, mund t’a kenë shoqëruar atë deri në organizimin e vrasjes së Liridonës.
