Një ngjarje e pazakontë ka ndodhur mbrëmë pas mesnate në Prishtinë, ku një person është dërguar me lëndime të rënda trupore në Emergjencën e Qendrës Klinike Universitare të Kosovës për tretman mjekësor, raporton Gazeta Sinjali.
Burimet e Sinjalit brenda Emergjencës kanë bërë me dije se 22-vjeçari ka pësuar lëndime të rënda. Pas ekzaminimeve mjekësore, është konstatuar se i njëjti ka pësuar frakturë në një pjesë të dorës.
Lidhur me rastin është njoftuar edhe Policia e Kosovës, të cilët kanë dalë në vendin e ngjarjes, ku kanë marrë edhe dëshminë e viktimës.
Bazuar në dëshminë e tij, ai ka hasur në dy fishekë në parkun e Taukbahçes të cilët e i ka marrë me vete, por që sipas tij, njëri nga ta i ka plasur në dorë.
Me urdhër të prokurorit, rasti është cilësuar ‘Lëndim i rëndë trupor’.
