Kosova debuton në sezonin e ri të UEFA Nations League në shtëpi ndaj Rumanisë. Ndeshja zhvillohet sonte nga ora 20:45 dhe mund të ndiqet live në RTK, Klan Kosova, si dhe Super Sport Albania.
Ekipi i drejtuar nga Franco Foda, trajneri gjerman që do të debutojë në ndeshje zyrtare në stolin e kombëtares të premten, ka zhvilluar seanca stërvitore të përditshme që prej grumbullimit të hënën.
Seancën e fundit stërvitore para duelit të së premtes, ‘Dardanët’ e zhvilluan të enjten.
Në anën tjetër, edhe përfaqësuesja rumune ka zbarkuar në Prishtinë të mërkurën, dy ditë para ndeshjes.
“Trikolorët” rumunë udhëhiqen nga trajneri i mirënjohur Mircea Lucescu, i cili debuton po ashtu të premten në rikthimin e tij te drejtimi i kombëtares rumune.
Kosova ka një bilanc negativ në duelet e drejtpërdrejta ndaj Rumanisë.
